काठमाडौं । प्रमुख प्रतिपक्षी नेपाली कांग्रेसका नेताहरु प्रधानमन्त्री केपी ओलीविरुद्ध खनिएका छन् । बुधबार सभापति शेरबहादुर देउवाले ओलीमाथि संविधानको कार्यान्वयनलाई बेवास्ता गरेर राज्यको ढुकुटी दुरुपयोग गर्नमा केन्द्रित भएको आरोप लगाए । देउवाले जनतालाई झुटा आश्वासन बाँडेर देश चल्न नसक्ने बताएका छन् । उनले प्रधानमन्त्री ओलीले विकासका नाममा झुटो सपना बाँड्दै हिँडेको आरोप लगाए ।
संविधान जारी भएको ८ महिना वितिसक्दा पनि प्रधानमन्त्री ओलीले संविधानको कार्यान्वयनलाई पूरै उपेक्षा गरेको देउवाले आरोप लगाए ।
संविधान कार्यान्वयनप्रति गम्भीर हुनुको साटो प्रधानमन्त्री ओली घरघरमा ग्यासका पाइपलाइन पुर्याउने तथा रेल र पानीजहाज चलाउने झूठा आश्वासन बाँड्नमा सीमित भएको देउवाले बताए ।
उनले यसरकारको यस्तो कार्यको विरुद्ध आफ्नो पार्टी जस्तोसुकै कदम चाल्न तयार रहेको पनि स्पष्ट पारे ।
सभापति देउवाले सगरमाथा आरोहण गरेर नेपाली कांग्रेस र सारा नेपालीको शीर उच्च बनाएको भन्दै आरोहीको प्रशंसासमेत गरे ।
प्रतिक्रिया