महेन्द्रनगर, २५ साउन । कञ्चनपुरको दैजी गाविस–४ बगुनका एक ६४ वर्षका बृद्ध बलात्कारको आरोपमा पक्राउ परेका छन् ।
मानसिक सन्तुलन ठिक नभएकी १५ वर्षकी किशोरी बलात्कार गरेको आरोपमा स्थानीय महिलाले बृद्ध दशरथ भट्टलाई पक्राउ गरी प्रहरीको जिम्मा लगाएका हुन् ।
घरमा कोही नभएको मौका छोप्दै नेपाल प्रहरीका सेवानिवृत्त हवल्दार भट्टले किशोरीमाथि बलात्कार गरेको स्थानीय महिलाले आरोप लगाएको ईलाका प्रहरी कार्यालय झलारीका प्रहरी निरीक्षक ज्ञानबहादुर सेटीले बताउनुभएको छ ।
स्थानीय महिलाले युवतीमाथि बलात्कार गरेको दाबीसहित भट्टलाई नियन्त्रणमा लिई प्रहरीसमक्ष बुझाएको उहाँले बताउनुभयो । किशोरीको यौनाङ्गबाट रगत बगिरहेको र बेहोस अवस्थामा फेला पारेको स्थानीय मीनबहादुर गिरीले बताउनुभयो । प्रहरीले बलात्कारको आरोप लागेका भट्टलाई नियन्त्रणमा लिएर अनुसन्धान अगाडि बढाएको जनाएको छ ।
प्रतिक्रिया