२ किलो ६५४ ग्राम कोकिन सहित काठमाडौंबाट तीन जना विदेशी महिला पक्राउ परेका छन्। लागुऔषध नियन्त्रण ब्यूरोले काठमाडौंका विभिन्न स्थानबाट अवैध लागुऔषध कोकिनसहित तीन जनालाई पक्राउ गरेको हो ।

गत वैशाख ३० गते कतारबाट काठमाडौ ओर्लिएकी ४४ वर्षीया केभिना म्युगालाको पेटभित्रबाट १ केजी २६० ग्राम कोकिन निकालिएको छ । म्युगालालाई प्रहरीले सिनामंगलबाट पक्राउ गरेको थियो । उनले पेटभित्र निलेको अवस्थामा शंकास्पद वस्तु रहेको थाहा पाएपछि ब्युरोले चेकजाँचका लागि नेपाल प्रहरी अस्पताल महाराजगञ्ज लगेको थियो ।

त्यस्तै युगाडाकै लिलियान सुसन वानयाङजी जेठ २ मा धोबीचौरबाट पक्राउ परेकी थिइन् । उनको साथबाट १ किलो ३९४ ग्राम कोकिन फेला परेको छ ।

भारतीय नागरिक ३३ वर्षीया दिवा जनी पल जेठ २ गते धोबिचौरबाट पक्राउ परेको प्रहरीले जनाएको छ । उनी १ किलो ३९४ ग्राम कोकिन किन्नको लागि धोबिचौर पुगेकी थिइन् ।

पक्राउ परेका तीन जनाविरुद्ध अदालतबाट म्याद थप गरी अनुसन्धान भइरहेको छ। बरामद गरिएको कोकिनको अवैध बजार मूल्य सात करोड ९६ लाख रहेको बताइएको छ  ।