सोलुखुम्बु,२१ साउन । जिल्ला कारागार शाखा सोलुखुम्बुभित्र छिरेको मृग मरेको छ । मगंलबार बिहान कुकुरले लखेटेर भाग्ने क्रममा मृग कारागारभित्र पसेको थियो । कारागारभित्र पसेको मृग आत्तिएर भाग्ने क्रममा झ्यालको सिसाले घाँटी काटिएको थियो ।
घाँटी काटिएर कारागार परिसरमा लडेको मृग मरेपछि विभिन्न कार्यालय प्रमुखहरुको रोहवरमा जिल्ला वन कार्यालयले व्यवस्थापन गरेको जिल्ला वन कार्यालय सोलुखुम्बुले जनाएको छ । भाले रतुवा मृग करिब १० महिनाको भएको अनुमान गरिएको छ । – रासस
प्रतिक्रिया