बलिउड अभिनेत्री सोनाक्षी सिन्हा अन्तर्राष्ट्रिय गायिका अडेललाई आफ्नो रोलमोडल मान्छिन् । अडेलको नयाँ गीत ‘हेलो’ अहिलेसम्मका सबै गीतभन्दा राम्रो भएको उनको तर्क छ ।
उनले ट्विटरमा लेखेकी छिन्, ‘अडेल मेरी हिरो हुन् । उनको नयाँ गीत हेलो मलाई सबैभन्दा बढी मन पर्ने गीत हो । उनको गीत मात्र होइन, आवाज पनि बुलन्द छ ।’
त्यसो त यसअघि पनि सोनाक्षीले बारम्बार अन्य हलिउड तथा बलिउड अभिनेता तथा अभिनेत्रीको खुलेर प्रशंसा गर्दै आएकी छिन् । उनी ट्विटरमा बारम्बार आफ्ना सहकर्मी तथा अग्रज कलाकारलाई प्रशंसा गर्छिन् ।
–नयाँ पत्रिका दैनिकबाट
प्रतिक्रिया