काठमाडौँ,११ माघ । संविधान एक राजनीतिक दस्तावेज पनि हो । लोकतान्त्रिक संविधान निर्माण गरेर मुलुकलाई शान्ति, स्थिरता र दिगो विकास मार्गमा अग्रसर गराउनु सबै राजनैतिक दलको परम कर्तब्य हो ।

संविधानसभामा तोडफोड र अराजक व्यवहारको प्रदर्शनीले हाम्रो राजनैतिक संस्कार विश्व सामु उदांगिएको छ । पूर्व प्रतिबद्धताअनुसार संविधान नआउँदा सर्वसाधारणमा निराशा छाएको छ भने बिदेशमा बस्ने प्रवासीहरुलाई पनि त्यतिकै दुख भएको छ । माघ ९ गते सूर्य झुल्कन साथ नयाँ लोकतान्त्रिक संविधान पाउने आशामा सुतेका प्रत्येक सर्वसाधारण दलको अर्कमण्यताका कारण फेरि पनि संविधान आउन नसकेकोले स्वाभिमानी नेपालीको आशा निराशामा परिणत भएको छ ।
र ,अमेरिकामा रहेका सबैको हालत त्यस्तै भए पनि अमेरिकामा बसोबास गर्दै आएका नेपाली कलाकारहरु पनि त्यतिनै दुखित भएको गुनासो पोखेका छन् । हामीले नेपालका ख्याती प्राप्त कलाकारहरु गायक ,गायिका ,नायक ,नायिका ,चलचित्र निर्देशक तथा गीतकार संग माघ ८ गते संविधान आउन सकेन र प्रतिक्रिया जान्ने प्रयास गर्दा जवाफ यस्तो पाईयो ।

माघ ८ गते संविधान तुहिएपछि नायक सरोज खनाल भन्छन, ‘संबिधान बन्छ भनि नेपाल जाने टिकट लिई सकेको थिए तर नबनेपछि टिकट रद्ध गरे भनि हाकाहाकी जवाफ दिए’ भने यसै गरि अर्का नायक किरण केसीले हामी नेपाली अब उभो नलाग्ने भन्दै संविधान नभएपछि जागर नआउने भन्दै दुवै नायकहरुले संविधान छिटो बनाउ भनि आक्रोश व्यक्त गरे ।
डेढ महिनाको लागि अमेरिका पुगेका अभिनेता जीवन लुइँटेलले पनि संविधान नआएकोमा दुख व्यक्त गर्दै हामी मर्माहीत भएका छौं ,फेरी शान्ति र विकासमा तुसारोपात लागेको छ भन्दै संसार भरि कहिँ नभएको गाई जात्रे नेपालमा भन्दै आक्रोश पोखे ।
हाल अमेरिकामा बसोबास गर्दै आएका पप सम्राट ओम बिक्रम बिष्टले संविधान नआउँदा दुख लागेको छ । र ,नेपालीको लागि बिडम्बना हो भन्दै कुर्सिको खेलमा कतिसम्म घृणित खेल्न सकेको भन्दै चकित परेको बताए । साँच्चै हामी नेपाली जनता लाटा र भेडा भनेको हो रहेछ भनि रिस पोखे ।
हाल अमेरिका बसोबाद गर्दै अमेरिकाको डिसी क्षेत्रमा संगीत पाठशाला खोल्नु भएकी नेपालीकि वरिष्ठ गायिका मिरा राणाले भनिन संविधान नबन्नु सबै नेताहरुकै कारणले हो भनिन् । सबैले उनीहरुको चर्तिकला देखेको बताउँदै अब कसरी जनतामा जाने त्यो समयले बताउने छ भन्दै आफु दुखित भएको बताईन । यसै गरि नेपाली चलचित्रका निर्देशक बेनु प्रधान जसले तिलहरी ,देबकी ,दाजुभाई तथा पछ्यौरी जस्ता थुप्रै चलचित्र निर्देशन भइ काम गरे उनले पनि दुख लागेको बताउँदै संविधान एकदम चाहिन्छ । जनताले ठुलो मौका दिए पनि राजनैतिक दलले यस्तो अवसर गुमाएको भन्दै मिलेर काम गर्न राजनैतिक दललाई ध्यानाकर्षण गराए ।
यसै गरि अमेरिकामा बसोबास गर्दै आएका उनको लोकप्रिय गीत जिन्दगीको के भरोशा भन्ने गितबाट चर्चाको शिखरमा पुगेका गायक कर्ण दास भन्छन्, नेता तथा राजनैतिक दलले व्यक्तिगत स्वार्थभन्दा देशको सर्वोपरी कल्याणको लागि काम गर्न नसक्दा संविधान नबनेको भन्दै आफु दुखित भएको बताए ।
यसै गरि गोरखा घर भै हाल डिसी महानगर क्षेत्रको बाल्टिमोरमा बसोबास गर्दै आएकी गीतकार लिलु गुरुङ भन्छिन्, संविधान नआउँदा दुख सबैलाई लाग्छ भन्दै हामी हाम्रो सोचमा कमि भएको कारण यसो हुन् पुगेको विचार राखिन । गीतकार गुरुङको तरंग गीत अल्बम निक्कै लोकप्रिय रहेको थियो र अब छिट्टै संविधान आउने चाहना राखेको बताईन ।

केहि समयदेखि अमेरिकाको बाल्टिमोरमा बस्दै आएकी नेपाली चलचित्र कि नायिका उषा पौडेल दुख प्रकट गर्दै भन्छिन्, संविधान आएन दुख छ । कुर्सि तोडफोडले नकारात्मक प्रभाव परेको भन्दै संविधान बनाउन सबै मिलेर काम गर्नुपर्छ । संविधान हामीलाई चाहिन्छ । धेरै बर्षदेखि संविधान लेखिएको छैन भन्दै झगडा र विवादले एक आपसमा भाई फुटे गवार लुटे हुनाले सबै कुरा त्यागेर सहमतिमा पुगे संविधान बन्न कसैले रोक्दैन भनिन् ।
यसै गरि माघ ८ गते संविधान बनेन र प्रतिक्रिया के छ भनि सवाल राख्दा नेपाली चलचित्रका निर्देशक शंकर घिमिरे भन्छन्, हरेक क्षेत्रना एक आपसमा समर्थन र सहयोग चाहिन्छ भन्दै जहाँ पनि खुट्टा तान्ने प्रवृति भएकोले संविधान नबनेको बताए । देशको हितभन्दा व्यक्तिगत र दलको स्वार्थमा केन्द्रित भएको कारण संबिधान बन्न नसकेको बताए ।
अमेरिकाको बाल्टिमोरमा बस्दै आएकी नायिका ऋचा घिमिरे भन्छिन्, जब सम्म बहुमतले देशको बारेमा सोच्दैन तब सम्म संबिधान बन्ने छाटकाट देखिदैंन भन्दै हामी सबैको संस्कारमा अभाव र म मेरो भन्ने भावनालाई नत्याग्न सक्नुको कारण सहमतिको बिन्दुमा पुनग नसकी यस्तो दुर्घटना हुन् पुगेको बताईन ।

कलाकार राष्ट्रका गहना मात्र हैन अमुल्य सम्पति पनि हुन् । यिनीहरु पनि देशका एक जिम्मेवार नागरिक हुन् फरक यति छ यिनीहरुको पेसा कलाकारिता हो । यी सबै कलाकार संविधान बनेको हेर्न चाहन्छन र माघ ८ गते संविधान बन्न नसकेकोले यिनीहरु दुखित छन् ।
तर पनि मुलुक सदैब अनिर्णयको बन्दिको चक्रब्युमा परि रहदैंन होला भन्ने आशाको साथ नयाँ नेपालको नयाँ संबिधान बनोस् भन्ने चाहना राखेका छन् ।