महेन्द्रनगर, ८ साउन । कञ्चनपुर सदरमुकाम महेन्द्रनगरस्थित महाकाली अञ्चल अस्पताल परिसरमा नवजात शिशु बेवारिसे अवस्थामा फेला परेको छ ।
दिउँसो करिब २ वजे अस्पतालको इमरजेन्सी कक्षबाट झण्डै डेढ सय मिटरको दुरीमा रहेको शौचालय नजिकै पुरुष शिशु बेवारिसे अवस्थामा फेला परेको हो ।
इमरजेन्सी कक्षमा आएकी एक महिलाले उक्त शिशुलाई जन्म दिएर बेवारिशे अवस्थामा फालेर गएको आशंका गरिएको छ । इमरजेन्सी कक्षबाट उठेर शौचालयतर्फ गएकी महिला लामो समयसम्म फर्केर नआएकी र शौचालयतर्फ बच्चा रोएको आवाज सुनिएपछि हेर्न जाँदा शिशु फेला परेको अस्पतालले जनाएको छ ।
शरिर भरी कमिला लागेको अवस्थामा फेला परेको दुई किलो सात सय ग्राम तौल छ । शिशुको स्वास्थ्या अवस्था सामान्य रहेको अस्पतालकी नर्सिङ अधिकृत ईन्दुधिर पौडेलले जानकारी दिनुभयो । नवजात शिशुलाई अस्पतालमा राखिएको छ भने शिशु जन्माएर फरार भएकी महिलालाई प्रहरीले खोजी गरिरहेको छ ।
प्रतिक्रिया