पूर्वप्रधानमन्त्री डा. बाबुराम भट्टराईले आइतबार ‘नयाँ शक्ति नेपाल पार्टी’ घोषणा गरेका छन्। राजधानीको दशरथ रंगशालामा आयोजित एक विशेष कार्यक्रमबीच भट्टराईले पार्टी घोषणा गरेका हुन्।
भट्टराईले आदिवासी जनजाति, मधेसी, थारुहट, महिला र मुस्लिमलगायत उत्पीडितको संघर्षको उच्च सम्मान गर्ने बताउँदै जनताको न्याय र मुक्तिको आकांक्षा पूरा गर्न नयाँ पार्टीको घोषणा गरेको बताए।
बाबुरामले नयाँ शक्ति नेपाल स्थापना गरेको घोषणामा भने, ‘हामी नेपाली जनताको हित र समृद्धिका लागि जेठ ३० गते आइतबार नयाँ शक्ति नेपाल स्थापना गरेको सगर्व घोषणा गर्दछौँ।’
पार्टी घोषणा सँगै बाबुरामले सम्पूर्ण नेता तथा कार्यकर्तालाई एकसाथ पद तथा गोपनियताको सपथ समेत खुवाएका छन्।