राष्ट्रिय खबर
इजिप्टमा आज भएको विमान दुर्घटनामा परी १७ बालबालिकासहित २ सय २४ जनाको मृत्यु भएको छ । मध्य सिनाइमा रसियन एअरलाइन्सको ‘ए–३२१’ एअरबस विमान दुर्घटना हुँदा चालक दलका ७ र २ सय १७ जना यात्रुको ज्यान गएको हो । इजिप्टको शर्म–अल–शेख सहरबाट रुसको पिटसवर्गका लागि उडेको विमानमा सवार सबै व्यक्ति रुसी नागरिक थिए । इजिप्टका सन्चारमाध्यमहरुले दुर्घटनाग्रस्त विमानको ‘ब्ल्याक बक्स’सहित अवशेषहरु फेला परेको बताएका छन् । अहिलेसम्म सयभन्दा बढी शवहरु निकालिसकिएको छ । विमान उडान भरेको २३ मिनेटमै सम्पर्कविहीन भएको थियो । विमान दुर्घटनाको कारण भने पत्ता लागेको छैन ।
प्रतिक्रिया