काठमाडौं । बिहिबार पक्राउ पर्नु भएकी नेकपा प्रचण्ड–नेपाल समूहकी नेतृ रामकुमारी झाँक्री २४ घण्टा नबित्दै रिहा हुनु भएको छ । राष्ट्रपति विद्यादेवी भण्डारीलाई लिएर गरेको व्यक्तिगत टिप्पणीका कारण उहाँलाई प्रहरीले निवासबाटै गिरफ्तार गरेको थियो ।
उहाँलाई केहीबेर राखेर हिरासतमुक्त गरिएको हो । प्रहरी हिरासतबाट रिहा भएपछि झाँक्रीले प्रतिगमन झुक्ने प्रक्रिया सुरु भएको प्रतिक्रिया दिनु भएको छ । महानगरीय अपराध महाशाखाको टोलीले राज्य विरुद्धको कसुरमा अनुसन्धानका लागि भन्दै जरुरी पक्राउ पूर्जी थमाएर बिहीबार विहान पक्राउ गरेको थियो ।
मीनभवनस्थित महाशाखाको कार्यालयमा झण्डै साढे ५ घण्टा राखेर साँझ रिहा गरिएको हो । रिहाइपछि सञ्चारकर्मीहरुसँग कुरा गर्दै झाँक्रीले आफू विना शर्त रिहा भएको स्पष्ट पार्नुभयो । प्रतिगमनविरुद्ध आन्दोलनलाई उत्कर्षमा पुर्याउन भूमिका खेलेका कारण आफूलाई दु’व्यर्व’हार गर्ने प्रयासस्वरुप पक्राउ गरिएको उहाँको बुझाई रहेको छ ।
प्रतिक्रिया