योगी योगेन्द्र/संखुवासभा,१५  साउन  । काँधको शोभा हलो र जुवा हातमा कोदाली जीवन धान्न गर्नु नै पर्ने उकाली ओराली । छुपु र छुपु हिलोमा धान रोपेर छोडौँला बनाई कुलो लगाई पानीि आएर गोडौँला ।    यस्ता गहन अनि रमाइलो गीत र असारेले किसानको रहर मात्र बोकेको छैन, जीवन निर्वाहका लागि ८० प्रतिशतभन्दा माथि कृषि पेसामा आधारित नेपालीहरुकोे खेतीपाती लगाउने समयमा कामसंगै दिन कटाउने साथी बनेको छ । जिल्लाको सदरमुकाम खाँदबारी आसपासको छेत्रमा साउन महिनाको दोस्रो साता बित्न लाग्दा भर्खरै रोपाई सुरु हुदै छ भने सदरमुकाम देखि टाडाका ठाउँहरुमा भने रोपाई सकीएको छ । तर सदरमुकामको छेत्रमा यति बेला धमाधाम रोपाई हुदै छ । मानो खाएर मुरी उब्जाउने बेला  सारा कामलाई थाँती राखेर किसानहरु खेत रोपाँईमा जुटेको छन्  किसान राज कुमार घिमिरेले  भने । यस छेत्रमा भदौ को पहिलो हप्ता सम्म रोपाई गर्ने गरिन्छ ।