युएनले महिलाविरुद्ध हुने सबै प्रकारको भेदभाव उन्मूलनसम्बन्धी महासन्धि अनुमोदन गरिसकेको अवस्थामा नेपालमा पनि हरेक बालबालिकाले बाँच्न, संरक्षण पाउने र विकास गर्ने अवसर पाउनुपर्नेमा उहाँले जोड दिनुभयो ।

नेपाल महिला न्यायाधीश मञ्चकी अध्यक्ष तथा सर्वोच्च अदालतका पूर्वन्यायाधीश शारदा श्रेष्ठले सभापतिको आसनबाट बालबालिका र अभिभावकलाई बलात्कारविरुद्ध सचेत गराउने उद्देश्यले कार्यक्रमको आयोजना गरिएको बताउनुभयो ।

कार्यक्रममा सर्वोच्च अदालतका पूर्वन्यायाधीश तथा मञ्चकी उपाध्यक्ष गौरी ढकालले मञ्च तथा कार्यक्रमबारे जानकारी गराउनुभयो ।

पाङ्गा माविका प्रधानाध्यापक रमेश महर्जन, विद्यालय व्यवस्थापनका अध्यक्ष नन्दबहादुर महर्जनलगायतले कार्यक्रमबाट विद्यालयका बालबालिका लाभान्वित हुने बताउनुभयो ।

दुईदिने बलात्कारविरुद्ध सचेतना कार्यक्रममा विद्यार्थी, अभिभावक तथा महिला समूहका सदस्यलाई नेपालमा भइरहेको बलात्कारका घटनाको किसिम, बलात्कारसम्बन्धी घटनामा प्रहरीको दायित्व, बलात्कारसम्बन्धी मुद्दामा हुने अदालती कारबाही र कानुनी प्रक्रिया, निःशुल्क कानुनी सेवा कसरी प्राप्त गर्नेलगायत विषयमा जानकारी र छलफल गरिने मञ्चले जनाएको छ । रासस