राष्ट्रिय खबर
बारा ,५ कार्तिक। बारामा भएको सवारी दुर्घटनामा चार जनाको मृत्यु भएको छ । १७ जना घाइते भएका छन् । अमलेखगन्जमा ट्रक, ट्यांकर र एउटा यात्रुबाहक बस एकआपसमा ठोक्किँदा दुर्घटना भएको हो ।
दुर्घटनास्थलबाट चार जनाको शव निकालिएको, घाइते १७ जनालाई हेटौंडा अस्पताल पठाइएको र उद्दार कार्य जारी रहेको जिल्ला प्रहरी कार्यालय बाराले जनाएको छ । घटनाको विस्तृत विवरण आउन बाँकी छ ।
वीरगञ्जबाट हेटौंडातर्फ आइरहेको ना४ख १५४४ नम्बरको बस, ना३ख ६२८५ नम्बरको ट्रक र ना२ख८७११ नम्बरको ट्यांकर ठोक्किएका हुन् । अोभरटेक गर्नेक्रममा बस, ट्रक र ट्यांकर एकअापसमा ठोक्किएका थिए ।
प्रतिक्रिया