ललितपुर । छोराछोरीसँगै सुतेकी श्रीमतीलाई बञ्चरोले हानेर हत्या गर्ने क्रूर श्रीमानलाई प्रहरीले पक्राउ गरेको छ । कपिलवस्तुको शिवराज नगरपालिका १, का वसन्त परियारलाई वडा प्रहरी कार्यालय चन्द्रौटाले पक्राउ गरेको हो । परियारले श्रीमती सुमित्रालाई आइतबार राती बञ्चरोले हानेर हत्या गरेका थिए ।

परियारले श्रीमतीको चरित्रमा शंका लागेपछि आफूले हत्या गरेको स्वीकार गरेको प्रहरीले जानकारी दिएको छ । परियार दम्पत्तीका ३ सन्तान छन् । १६ र १२ वर्षका छोरा र ८ वर्षकी एक छोरी रहेको छ  ।

बञ्चरोले हानेर बेहोस भएकी सुमित्राको टाउकोबाट बगेको रगत आफ्नो शरीरमा लागेपछि आमामाथि आक्रमण भएको थाहा पाई १२ वर्षका छोराले छिमेकीलाई खबर गरेका थिए । उपचारको क्रममा स्थानीय अस्पतालमा आइतबार राती नै सुमित्राको ज्यान गएको थियो ।