काठमाडौँ । साझा यातायातले आज मंगलबारबाट विद्युतीय बस सञ्चालनमा ल्याएको छ। प्रधानमन्त्री केपी शर्मा ओलीले साझाले ल्याएको विद्युतीय बसको मंगलबार बिहान उद्घाटन गरेका छन्। उक्त विद्युतिय बसमा चढेर प्रधानमन्त्री ओली साझा यातायातको पुल्चोक कार्यालयबाट प्रधानमन्त्री कार्यालय सिंहदरवारसम्म पुगेका थिए।

सो विद्युतिय बसहरु लुम्बिनी क्षेत्रमा सञ्चालन गरिने भएपनि भैरहवामा गौतम बुद्ध अन्तर्राष्ट्रिय विमानस्थल नबनेसम्म राजधानीकै खाल्डाखुल्डीरहित सडकमा सञ्चालन गरिने साझा यातायातका अध्यक्ष कनकमणि दिक्षितले बताए।

१९ सीट क्षमता रहेको सो बसमा उभिएर समेत यात्रा गर्दा ३५ जना अट्ने बताइएको छ। चिनियाँ कम्पनीबाट प्रतिगोटा २ करोड रुपैयाँमा खरिद गरेको मध्ये २ वटा बस काठमाडौं आइसकेका छन् भने भने अन्य तीन वटा आउने क्रममा रहेका छन्।