काठमाडौँ ,८ भाद्र । पत्रकारिताको माध्यमबाट भ्रष्ट्राचार न्यूनिकरणमा महत्वपूर्ण भूमिका खेलेको भन्दै मिडिया इन्टरनेसनलका अध्यक्ष माधव निर्दोषलाई भ्रष्ट्राचार विरुद्ध राष्ट्रिय अभियानले सम्मान गरेको छ । विजनेस सन्सार डटकमका सम्पादक समेत रहेका निर्दोष नवज्योती एफएमका संचालक हुन् । उनले विकास र आर्थिक परिवर्तनका लागि मिडिया इनटरनेसनलबाट अन्तरक्रिया कार्यक्रमहरु संचालन गर्दै आएका छन् । निर्दोषसँगै नेपाल टेलिभिजनका बरिष्ठ समाचारबाचक मनोहरी थापा, सगरमाथा टेलिभिजनका समाचार सम्पादक गणेशमान गुरुङ तथा रेडीयो नेपालका आर्थिक समाचार व्यूरो भूवन आचार्य र नागरिक दैनिकका विज्ञान अधिकारी सम्मानित भएका छन् । उनीहरु सबैलाई पत्रकारिताको माध्यमबाट भ्रष्ट्राचार विरुद्धको अभियानमा काम गरेबापत सम्मान गरिएको हो । काठमाडौंमा आयोजित भ्रष्ट्राचार विरुद्ध राष्ट्रिय सम्मेलनमा पूर्व सभामुख दमननाथ ढुंगानाले उहाँहरुलाई सम्मानपत्र प्रदान गरे ।