अर्घाखाँचीमा जन्मिएर पाल्पा र बुटवलबाट उच्च शिक्षा हासिल गरेकी नन्दिता केसीले ‘इन्दे्रणी’ चलचित्रबाट आफ्नो सिने क्षेत्रको पाईला चालेकी हुन् । नर्स बन्ने इच्छा भएता पनि सिने क्षेत्रमा लागेको बताउने नन्दिता पछिल्लो समयमा सिने नगरीमा त्यति देखा परेकी छैनन् । साधारण विचारधारा बोकेको बताउने नन्दिता पछिल्लो समय चलचित्र बाबरीमा व्यस्त छिन् । नायिका नन्दिता केसीसँगको कुराकानी :
तपाईंको कस्मेटिक सामग्रीमा महिनाको कतिसम्म खर्च हुन्छ ?
त्यही ४–५ हजार हुन्छ होला ।
मासिक खर्च कतिसम्म गर्नु हुन्छ ?
त्यसको हिसाब किताब नै गर्ने गरेको छैन ।
मासिक आम्दानी चैं ?
हैन नभनौं होला ।
तपाईले चलचित्र या म्युजिक भिडियो खेलेवापत कतिसम्म लिनुभएको छ ?
यसबारेमा पनि केही नभनौ क्यारे ।
सवारी साधनमा के चढ्नुहुन्छ ?
स्कुटी ।
फिल्मी क्षेत्रमा काम गर्नुभएको यतिका बर्ष भैसक्यो सहकर्मीले गाडी चढिसके, गाडी चढ्ने कहिले त ?
फिल्म क्षेत्रमा लाग्ने भन्ने बितिकै गाडी नै चढ्नु पर्छ भन्ने छैन ।
फिल्म र मोडलिङ क्षेत्रमा निर्माताले नायिका वा मोडलसँग के अपेक्षा गरेको हुन्छ ?
तपाईंले कुरा घुमाउनु भयो, त्यस्तो केही पनि चाहेका हुँदैनन्, राम्रो अभिनयको खोजी गरेका हुन्छन् । मबाट पनि यहि नै अपेक्षा गरेका थिए र छन् ।
यो क्षेत्रमा सेक्सका कुराहरु बढिमात्रामा हुन्छन् भनिन्छ, त्यो कतिको साँचो हो ?
अहिले त्यस्ता खालका क्रियाकलापहरु बढि मात्रामा हुने गरेको पाइन्छ, तर त्यो आफुमा भर पर्ने कुरा हो ।
सेक्सलाई कसरी परिभाषित गर्नुहुन्छ ?
त्योे प्राकृतिक देन हो ।
कुन उमेरमा यसको अनुभूति गर्नु भयो ?
मैले सेक्सको अनुभुति नै गरेकी छैन ।
– फिल्मी अपडेट
राष्ट्रिय खबर
प्रतिक्रिया