एपीवान टेलिभिजनबाट प्रसारण हुने सिंगिङ रियालिटी शो ‘नेपाल आइडल सिजन २’को पोखरा अडिसनमा दुई जनाले गोल्डेन माइक जित्न सफल भएका छन् , पोखरामा विक्रम बराल र निलिमा कँडेल थापाले गोल्डेन माइक जितेका छन् ।विक्रम बराल ‘नेपाल आइडल’ को प्रथम सिजनमा अडिसन राउन्डबाटै बाहिरिएका थिए । उच्च अध्ययनका लागि विदेश जान छाडेर उनले यसपटक पनि ‘नेपाल आइडल सिजन २’ मा सहभागिता जनाए । एउटा सांगीतिक ब्यान्डका भोकलिस्टसमेत रहेका विक्रम आधुनिक र रक गायनमा अडिसन राउन्डमै तीनजना जुरी न्ह्यु बज्राचार्य, कालीप्रसाद बास्कोटा र इन्दिरा जोशीलाई प्रभावित पार्न सफल भए ।

यस्तै, पोखरा फुलबारीकी निलिमाले पनि गोल्डेन माइक पाएकी छन् । सानैमा बाबु गुमाएकी निलिमाकी आमाले पोखरामा किराना पसल चलाएर जीविका निर्वाह गर्दै आएकी छन् । निलिमाका अनुसार एउटा स्कुलमा उनीहरूले टिफिन डेलिभरी गर्दै आएका छन् ।