काठमाडौ  । शिक्षण अस्पताल महाराजगन्जमा बिहीबार बिहानैदेखि चिकित्सकहरूबीच नै दोहोरो भनाभन चल्यो । बिरामी भर्ना भएको वाडैपिच्छे केसी समर्थक चिकित्सक सेवा बन्द गराउँदै थिए । उता सरकारले पनि हरेक वाडमा प्रहरी तैनाथ गरेको थियो ।

केही चिकित्सकले बिरामीलाई सेवा दिन नसक्ने बताउन थालेपछि नर्सहरूले भने सेवा रोक्न नहुने बताए । यही कुरामा दुई पक्षबीच भनाभन भयो । भनाभनकै क्रममा नर्सहरूले चिकित्सकको कठालो समाए । प्रहरीले पनि रोक्न सकेन । नर्सहरूले लछारपछार गर्दै चिकित्सकलाई अस्पतालको कम्पाउन्डसम्म पु-याए । प्रहरीको उपस्थितिमा दिनभर सेवा सञ्चालन भयो, बन्द गराउनेहरू अस्पताल हाताबाहिर रहे ।

समाचार यस्तो आएपनि त्यहाँ कार्यरत नर्सले भने डाक्टरसंग भनाभन भएको खुलासा गरेकी छन् । डाक्टरहरुले सरकारको तलव खाएर प्राइभेट क्लिनिकमा लगेर उपचार गर्ने साथै अप्रेसन गर्ने गरेको पनि खुलासा गरेकी छन् ।

डाक्टर गोबिन्द केसीको समर्थन गर्नु पर्छ भन्दैमा नेपाली जनतालाई कुनै पनि स्वास्थ्य सेवाबाट बाचित गर्नु हुदैन भन्दै नर्सहरुले बिरोध गरेपछि डाक्टर र नर्स बीच भनाभन भएको भिडियो मार्फत नर्सले घटनाको बारेमा जानकारी दिएकी छन् ।

हिजो समाचारमा डाक्टरले नर्स र सुपरभाइजर कुटिए भन्ने समाचार पनि आइरहेका थिए भने कति अनलाइनले डाक्टरले नर्स कुटे भन्ने समाचार लेखेका थिए । वास्तविक त्यहाँ के भएको थियो हेर्नुहोस भिडियोमा