योगी योगेन्द्र/संखुवासभा२९  ,साउन । संखुवासभा जिल्लाको खाँदबारी नगरपालिका-१३ मा रहेको सिंहेश्वरी निम्न माध्यमिक विद्यालयमा जिल्ला शिक्षा कार्यालय संखुवासभाले खटाएका एक शिक्षक दुर्गा कुमाललाई हाजिर नगराउनु भन्दै शिक्षा मन्त्री चित्रालेखा यादवले फोनबाट जिल्ला शिक्षा अधिकारी बीरबहादुर खड्कालाई निर्देशन दिएकी छन् । विद्यालयमा शिक्षक दरबन्दी कम भएपछि जिशिअ खड्काले श्री सिर्जना प्राथमिक विद्यालय पिप्लेटारका शिक्षक दुर्गा कुमाललाई दरबन्दीसहित हाजिर हुन पठाएका थिए । तर सिंहेश्वरी निम्न माध्यमिक विद्यालयका प्रअ भोजराज भट्टराईले आफूभन्दा माथिल्लो तहको शिक्षक आएको भन्दै हाजिर गराउन नमानेको बुझीएको छ । मंगलबार शिक्षा समितिको बैठक बसी शिक्षक हाजिर गराउने निर्णय गरे गत्तै सभासद दीपक खड्का र शिक्षा मन्त्री चित्रालेखा यादवले निर्णय कार्यान्वयन नगर्न कडा निर्देशन दिएकी थिईन । जिल्ला शिक्षा अधिकारी खड्का बुधबार आफ्फै विद्यालय पुगेर शिक्षक कुमाललाई हाजिर गराउन निर्देशन दिएका थिए । जिशिअले निर्देशन दिएको केहि छिनमै मन्त्री र सभासदले फोन गरेर शिक्षकलाई हाजिर नगराउन आफुलाई दवाव आएको जिशिअ खड्काले बताए ।