• हिङले दम रोग निको पार्छ

दमको रोग भएकाहरुको लागि यो अति प्रभावकारी औषधी हो । कपुर र हिङलाई बराबर मिलाएर साना चक्की बनाउने र तातोपानीसँग बिहान बेलुका सेवन गर्नाले दम रोग निको हुन्छ । सक्कली भनेर नक्कली हिङको किनबेच हुने गरेको पनि प्रसस्तैै सुनिन्छ, त्यसैले शुद्ध हिङ मात्र औषधीको रुपमा प्रयोग गर्न आवश्यक छ ।

• पेट दुख्ने समस्या निको पार्छ

हिङ पेट सम्बन्धी सबै प्रकारका रोगहरुलाई उपयोगी औषधी हो । हिङ, जाइफल, केशर र मरिच १५/१५ ग्राम सबै बराबर पिनेर धूलो पार्ने र तातो पानी हालेर सानो चक्की बनाएर घाममा सुकाउने । नियमित बिहान र बेलुका १/२ गोली मनतातो पानीसँग खाएमा पेट दुख्ने, घोच्ने र दिसा लगातार लागिरहने लगायतका समस्या समाधान हुन्छ । साथै ग्याष्ट्रिक, अमलपित्त, अजीर्ण, खाना अपच, खाना नरुच्ने जस्ता समस्या भएमा पनि यसको प्रयोग लाभकारी हुन्छ ।

• कान दुख्ने, पिप आउने निको पार्छ

शुद्ध तोरीको तेलमा सलुन र हिङ मिलाएर बनाइएको तेल कानमा हालेर सफा गर्नाले कान दुख्ने एवं पाक्ने जस्ता सम्बन्धी समस्या समाधान हुन्छ । कानभित्र खटिरा आउने समस्या भएमा पनि यसको प्रयोग लाभदायक हुन्छ ।

• कम्मर दुख्ने समस्या निको पार्छ

भुटेको कालो तिल,  घोडताप्रे, सूठोको धुलो, धूलो पिप्ला र हिङलाई बराबर मिसाएर हावा नपस्ने भाडोमा राख्ने र कम्मर दुखेको समयमा सो मिश्रण धुलोलाई मिश्री पानीमा पकाएर लगाउनाले पनि कम्मर दुखाइबाट राहत मिल्छ ।

• महिलाको हिस्टेरिया निको पार्छ

महिलामा हिस्टेरियाको समस्या छ भने हिङ निकै प्रभावकारी औषधी हो । नियमित १ चम्चा भाङको रसमा १ चिम्टी हिङ फिटेर बिहान बेलुका खान दिएमा महिलाको हिस्टेरिया निको हुन्छ ।