काठमाण्डौ । अवतरणको क्रममा दुर्घटनामा परेको टर्किस एयरको एयरबस ए–३३० वाइडबडी विमानभित्र संग्राहालय बनेको छ।

उड्डय क्षेत्रको जानकारीसँगै विद्यार्थीवर्गमा रुची जागृत गर्ने उद्देश्यले हवाई स्रगाहलय स्थापना गरिएको संचालक बेद उप्रेतीले जानकारी दिए।

नेपाल नागरिक उड्डयन प्राधिकरण र वेद उप्रेती ट्रष्टको सहकार्यमा झण्डै सात करोड लगानीमा सिनामंगलमा बनाइएइको यो संग्राहालय आइतबारदेखि खुल्ला हुने ट्रष्टले जानकारी दिएको छ।

यसअघि धनगढीमा पनि यस्तै प्रकृतिको संग्राहलय बनाएर संचालन गरिरहेका क्याप्टेन उप्रेतीले उक्त विमानको बडी किनेका थिए।

५ खण्डमा विभाजन गरेर विभिन्न सेक्सन निर्माण गरिएको संग्राहालयभित्र उड्डयन क्षेत्रका विषयवस्तु राखिएको छ । जहाजको तल्लो तलामा बैठक कक्ष बनाईएको छ । त्यसमा सानो बैठक तथा अन्तरक्रिया संचालन गर्न सकिने छ । जहाज भित्रको संग्राहलमा प्रवेश गर्ने वित्तिकै अवलोकनकर्ताले यो संग्रहालय बनाउने क्रममा भएका गतिविधि समेटिएको नेपाली र अंग्रेजी दुवै भाषाको श्रव्यदृश्य सामाग्री सुन्न सक्नेछन् ।

वेलकम हलमा एयरबस–३३० को ग्लास ककपिट राखिएको छ । संगै जहाजको मोडेल पनि राखिएको छ । संग्राहलयको एयर फोर्स हल मा पहिलो विश्वयुद्धदेखि अहिलेसम्मका लडाकु विमानका मोडलहरु राखिएको छ । त्यसपछि क्रमैसंग एयरबस–३८० र बोइङ–७७७ को मोडल , संसारका मुख्य–मुख्य एयरलाइन्सहरुका मुख्य–मुख्य जहाजहरु ९बोइङ र एयरबसका विभिन्न सिरिज०, नेपालमा उडेका डिसी थ्री देखि पछिल्ला एयरबस–३३० र आर्मीको सिएन–३५ का सयौ मोडेलहरु राखिएको छ ।

२०७१ फागुन २० गते टर्किस एयरको एयरबस–३३० बिमान त्रिभुवन अन्तराष्ट्रिय विमानस्थलमा अवतरणका क्रममा धावनमार्गमा चिप्लिएर ग्राउण्डेड भएको थियो । एयसवस मर्मतका लागि उपकरण ल्याउन नसकेको टर्किस एयर इञ्जिन निकालेर नेपालमै बेच्ने निचोडमा पुगेपछि क्याप्टेन वेद उप्रेतीको संग्रहालयको परिकल्पना विजारोपण भएको थियो ।

यो म्युजियमबाट आम सर्वसाधारण र विद्यार्थीमा उड्डयन क्षेत्रको जिज्ञासा मेटाउने र ज्ञान समेत अभिवृद्धि गर्ने विश्वास म्युजियम संचालक उप्रेतीको विश्वास छ ।

म्युजियम अवलोकनका लागि ३ सय रुपैया प्रवेश शुल्क राखिएको छ । तर विद्यालयको अनुमति लिएर आएका कक्षा ९ देखि १२ सम्मका विद्यार्थीले निशुल्क प्रवेश पाउने छन् । अन्य विद्यार्थीका लागि ५० प्रतिशत छुटको व्यवस्था छ । म्युजियम संचालनको सुरुको एक महिनाका लागि शुल्कमा केही छुट दिईएको छ ।

बिहान ९ बजेदेखि पाँचबजेसम्म खुल्ला रहने उक्त संग्राहालयमा पहिलो महिना नेपालीहरुलाई ५० रुपैयाँ छुट दिइएको छ भने विदेशीलाई ६ सय रुपैयाँ निर्धारण गरिएको छ। त्यस्तै फरक क्षमताका व्यक्तीहरुको लागि १ सय ५० रुपैयाँमात्र शुल्क निर्धारण गरिएको छ।