काठमाडौं । संसद्को अर्थ समिति अन्तर्गतको उपसमितिले इन्धन भण्डारण गृह निर्मण गर्न नेपाल आयाल निगमले गरेको टेन्डर प्रक्रिया नै भ्रष्ट्राचारको बाटो बनेको ठहर गरेको छ । अन्नपूर्ण पोस्ट्मा समाचार छ ।

अर्थ उपसमितिले नियतवशः भण्डारण निर्माण गर्न जग्गा अधिग्रहण ऐनअनुसार जग्गा प्राप्ति प्रक्रियामा निगम नगएको औल्याएको छ । उसमितिको मंगलबारको बैठकमा संयोजक अब्दुल्ल रजाक गद्दीले भने, ‘भौतिक पूर्वाधार निर्माण गर्न जग्गा अधिग्रहण ऐन हुँदाहुँदै आयल निगमले उक्त प्रक्रियामा जानुको साटो टेन्डर प्रक्रियामा गएको देखिन्छ । यही टेन्डर प्रक्रिया भष्ट्राचारको बाटो बनेको देखियो । जग्गा खरिदमा भ्रष्ट्राचार र कमिसनको खेल हुन्न दिन्नौँ ।’

संयोजक गद्दीले उपसमितिले निकट भविष्यमै स्थलगत अध्ययन गरी प्रतिवेदन सार्वजनिक गर्ने बताएका छन् ।