तौल घटाइसकेपछि सबभन्दा गाह्रो भनेको त्यसलाई कायम राख्नु हो । यहाँ सेपमा नै रहिरन मद्दत गर्ने चार कुराहरु दिइएका छन् जसलाई अपनाउँदा तपाईंलाई फाइदा पुर्याउने छ ।
धेरै बेरसम्म नबस्नुहोस्

यदि तपाईं टिभि र कम्प्युटरको अगाडि धेरै बेरसम्म बसिरहनुहुन्छ भने त्यो समयलाई छोट्याउनु होस् र आफ्नो काम गर्ने समयको बिचतिर र घरमै पनि यताउती हिँड्नुहोस् । यसो गर्नाले तपाई नमोटाउने सम्भावना बढि हुन्छ र तपाईंलाई सेपमा नै राख्न मद्दत गर्छ दैनिक व्यायामको लागि समय छुट्याउनुहोस्
तपाईं राम्रो सेपमा नै हुनुहुन्छ भने पनि दैनिक रुपमा व्यायामको लागि आफ्नो समय छुट्याउनुहोस् । तौल घटाउनको लागि प्रयोग गर्नुभएको व्यायाम नै तपाईंले अपनाउनुपर्छ भन्ने छैन तर, केहि न केहि व्यायामले तपाईंलाई सेपमा राख्ने पक्का छ ।
फास्ट फुड खान छोडिदिनुस्

तौल घट्नेबित्तिकै आफूलाई मन लागेको सबैकुरा खान हुन्छ भन्ने भ्रमलाई हटाइदिनुस् । दैनिक आफूले के कुरा खाइरहेको छु भन्ने कुरा याद गरिरहनुपर्छ । चिल्लो खानेकुरा धेरै नखानुहोस् । फास्ट फुड खान छोडिदिनुभयो भने यसले तपाईंलाई राम्रो सेपमा रहिरहन मद्दत गर्दछ ।
सोडा नखानुहोस्
डाइट ड्रिङ्क्स र सोडाले तपाईंलाई मोटो बनाउँछ । त्यसको सट्टा ताजा फलफूलको जुस खानुहोस् । आफ्नो उद्देश्य के हो त्यसलाई याद राख्नुहोस् र खान हुँदैन भन्ने कुरा नखानुहोस् !