काठमाडौं,४ पुस । आइएमएस ग्रुपले दक्षिण कोरियाको साङयोङ कम्पनीका गाडीको नयाँ शोरुम नक्सालमा स्थापना गरेको छ। नेपालकालागि दक्षिण कोरियाका राजदुत चो योङ जीन र आइएमएस ग्रुपका अध्यक्ष दिपक मलहोत्राले शोरुम उद्घाटन गरे।

कम्पनीले नयाँ वर्षको अवसर पारेर साङयोङका गाडी खरिदमा पाँच लाख रुपैयाँसम्म नगद छुट दिने घोषणा गरेको छ। उक्त योजना आइतबारदेखि पुष २२ सम्म लागु हुने कम्पनीले जनाएको छ।
कम्पनीले छिटै साङयोङ सर्भिस सेन्टर पनि स्थापना गर्ने भएको छ। साङयोङ दक्षिण कोरियाको स्पोर्ट्स युटिलिटी भेइकल ९एसयूभी० निर्यात गर्ने कम्पनीको रुपमा चिनिएको छ।
एसयुभीका अलावा साङयोङले विभिन्न मोडलका लक्जरी कार, पिकअप, भ्यान, ट्रक तथा बस उत्पादन गर्दै आएको छ।