बलिउड र हलिउड हुँदै विश्वभर चर्चा कमाएकी नायिका दीपिका पादुकोणले आफ्ना एक विशेष व्यक्तिका लागि ४० करोडमा फ्ल्याट किनिदिएकी छिन् ।
दीपिकाले आफ्ना लागि भने हालैमात्र १४ करोडको खर्चमा साउथ मुम्बइमा एक आलिसान फ्ल्याट किनेकी थिइन् । अब उनले आफूले फ्ल्याट किनेकै विल्डिङको ३० औं तलामा अर्को महंगो फ्ल्याट किनेकी हुन् । दीपिका यो विल्डिङको २६ औ तलामा बस्दै आएकी छिन् ।

दीपिकाले यो महंगो उपहार आफ्ना पिता प्रकाश पादुकोणलाई दिएकी हुन् । दीपिकामा माता(पिता उनी बस्दै आएको फ्ल्याट देखेर निकै लोभिएका थिए । सायद, यहि कुरालाई मध्यनजर राख्दै दीपिकाले माता(पिताका लागि नयाँ फ्ल्याट नै किनिदिने निर्णय गरेकी हुन् । दीपिकाको यो फ्ल्याट साउथ मुम्बइमा छ ।

बलिउडकी नम्बर १ नायिकाको स्थानमा रहेकी दीपिका हलिउड चलचित्रमा अभिनय गरेपछि झनै चर्चित बनेकी हुन् ।