रौतहट ,२ कार्तिक । अवैध रुपमा भन्सार छली भारतबाट नेपाल भित्राईरहेको अवस्थामा पक्राउ गरिएको कपडा सहितको एक गाडि रौतहट प्रहरीले  मध्य क्षेत्रिय राजस्व अनुसन्धान कार्यालय पथलैयामा पठाएको छ । भन्सार छली नेपाल ल्याईरहेको अवस्थामा गत शुक्रवार राति बा १ क ३६८४ नम्बरको कपडा लोड भएको पिकअप गाडि मध्य क्षेत्रिय प्रहरी कार्यालय हेठौडाको टोलीले जिल्लाको सखुअवा चौकबाट पक्राउ गरेको थियो । कपडा सहित पक्राउ परेको गाडिलाई प्रहरीले स्थानिय सुकदेव चौक स्थित रहेको प्रहरी चौकीलाई जिम्मा लगाएको थियो । गएको शुक्रवार साझँ करिव ६ बजेको समयमा भारतको बैरगनिया बजारबाट गौरको मुख्य नाका भएर महादेवपटी हुदै गईरहेको अवस्थामा विषेस सूचना पाउँन साथ गएको प्रहरी टोलीले उक्त कपडा सहितको गाडि पक्राउ गरेको थियो । सामाचार श्रोतका अनुसार पक्राउ परेको कपडा चर्चित तस्कर सुनिल जयसवालको रहेको छ । जयसवाल धैरैदिनदेखी रौतहटमा विभिन्न सामानको तस्करी गर्दैआएका छन ।