काठमाडौँ ।
उत्कृष्ट प्रस्तुती सहित चर्चा कमाइरहेकी गायिका सुमन गुरुङ नयाँ अवतारमा उपस्थित भएकी छन् । जब जब बोलको डान्सिङ नम्बरमा उनको बोल्ड अवतार देख्न पाइन्छ । युवतीले युवकलाई मन पराएपछिको अवस्थालाई समेटेर लेखिएको शब्दमा सुमनले आफ्नो सुमधुर स्वर दिएकी छन् । रिकेश गुरुङको शब्द संगीतमा रहेको जब जब बोलको गीतको भिडियो गायिका गुरुङ र मोडल भुवन घोरासैनीले अभिनय गरेका छन् । केही समय अगाडि नै बनिसकेको यो गीतको भिडियो बन्नमा अलिकति ढिला भएको होइन भन्ने प्रश्नमा गायिका गुरुङले भनिन् “मोडल घोरासैनी अष्ट्रेलियामा बस्ने भएकाले नेपाल आउन अलिक समय लागेको हुनाले ढिला भएको हो” ज्ञानेन्द्र शर्माले खिचेको यस गीतको भिडियोलाई निशान घिमिरेले सम्पादन गरेका छन् भने जेडी तमुको निर्देशन रहेको छ ।
https://youtu.be/MZ73J39RIMc
प्रतिक्रिया