गणेश बिष्ट

भोजपुर २२ असार । भोजपुर जिल्ला खेलकुद बिकास समिति भोजपुरको आयोजनामा बुद्धिचाल प्रतियोगीता सम्पन्न भएको छ । भोजपुर सदरमुकाममा भएको उक्त प्रतियोगीतामा ८ प्रतिस्पर्धीको सहभागीता रहेको थियो । प्रतियोगितामा अन्नपुर्ण गा.वि.स का दिपेन्द्र राई प्रथम र खावा गा.वि.स का राजेन्द्र राई द्धितिय हुनु भएको थियो । प्रतियोगितामा प्रथम र द्धितिय हुने खेलाडीलाई यहि २६ , २७ र २८ गते सुनसरीको इटरीमा हुने पुर्वाञ्चल स्तरीय क्षेत्रिय बद्धिचाल प्रतियोगितामा सहभागी गराईने जिल्ला खेलकुद बिकास समिति भोजपुरले जनाएको छ । यसैगरी भेलाले भोजपुरमा जिल्ला बुद्धिचाल संघको तदर्थ समिति गठन गरिएको छ । जिल्लामा बद्धिचाल खेलको बिकास गर्ने उद्देश्यले भोजपुर बद्धिचाल संघको तदर्थ समिति गठन गरिएको हो । जिल्ला खेलकुद बिकास समिति भोजपुरका अध्यक्ष  बजेन्द्र राई संयोजकत्वमा भएको भेलाले दिपेन्द्र राईको नेतृत्वमा ९ सदस्यीय तदर्थ समिति गठन गरेको हो ।