काठमाडौं । साहित्यकार तथा सञ्चारकर्मी जितेन्द्र रसिकको चौथो कृति ‘काफिया’ गजल सङ्ग्रह र कवियत्री ऋद्धी लक्ष्मी कायस्थको कविता सङ्ग्रह ‘मौनता बोल्छ’ शुक्रवार राजधानीमा लोकार्पण गरिएको छ । भक्तपुर साहित्यसमाज द्धारा आयोजना गएिको कृति लोकार्पण कार्यक्रमका प्रमुख अतिथि ज्ञानुवाकर पौडेल, विशेष अतिथि गीत तथा गजलकार राजेन्द्र थापा, महाकवि चन्द्रप्रसाद न्यौपाने, समाजसेवी कृष्णलाल प्रधान, गीतकार गोपी कृष्ण ढुङ्गाना लगायतले सामुहिक रुपमा कृतिको लोकार्पण गरिएको हो ।

बागबजारको हार्दिक होटलमा भएको कार्यक्रममा गजलकार रसिकले गत वर्ष गएको भूकम्प र भारतले गरेको अघोषित नाकाबन्दी सम्वन्धि गजलहरु लोकार्पित कृतिबाट वाचन तथा गायन गरेका थिए । कवियत्री ऋद्धी लक्ष्मी कायस्थले मौनता बोल्छ र एनआरएन शिर्षकको कविता वाचन गर्दा सहभागीहरु स्तव्ध बन्न पुगेका थिए । कार्यक्रममा गजलकार ज्ञानुवाकर पौडलेल जितेन्द्र रसिकको पहिलो गजल सङ्ग्रह प्रकाशनको १० वर्षपछि चौथो कृतिको रुपमा आएको दोस्रो गजलसंङ्ग्रह भित्र देश बोलिरहेको बताउनु भयो । । रसिकको रेकर्ड भैसकेका गजलहरु पनि सङ्ग्रहमा सङ्ग्रहित रहेका छन् । कार्यक्रममा गीत÷गजलकार तथा आख्यानकार राजेन्द्र थापाले रसिकका सबै गजलहरु गेयात्मक रहेकाले गायनको लागि अति उपयुक्त गजल भएको बताउनु भयो । । उनले गजल पछिल्लो समय वाचनको लागि पनि लेखिने गरेको र त्यस्ता गजलहरु सशक्त हुँदै आएको चर्चा गरे । कार्यक्रममा महाकवि चन्द्र प्रसाद न्यौपानेले अमेरिका बस्दै आएकी कवियत्री ऋद्धी लक्ष्मी कायस्थका कविता सङ्ग्रह ‘मौनता बोल्छ’ कृति नामैले काफि भएको बताउनु भयो । कार्यक्रममा गीतकार तथा साहित्यकार गोपीकृष्ण ढुंगानाले काफिया गजल सङ्ग्रह जीवन र जगतको लागि भएको बताउनु भयो । कार्यक्रममा सभापति तथा धभक्तपुर साहित्यिक समाजका अध्यक्ष राजुराम मुनकर्मिले काफिया गजल सङ्ग्रह सिक्न चाहने र आधारभूत गजल सिद्धान्त जान्न चाहनेको लागि उपयुक्त कृति रहेको बताउनु भयो । ‘काफिया’ गजल सङ्ग्रह १ सय ३२ पृष्ठमा सङ्ग्रहित छ । डिजिटल प्रिन्टलिंक भक्तपुरले प्रकाशित गरेको यो कृतिको मुल्य १ सय पचास रुपैयाँ रहेको छ । त्यस्तै ‘मौनता बोल्छ’ कविता सङ्ग्रह दिलिप राजा कायस्थले प्रकाशन गरेको हो । यो कृति १ सय पृष्ठमा ५२ कविता अटाएका छन् भने मुल्य १ सय पचास रुपैयाँ रहेको छ ।

गजलकार रसिकको यस अघि ३ कृतिहरु क्रमस हृदयस्पर्शी छालहरु(गजल सङ्ग्रह–२०६३), तारापुञ्ज (फाँचल सङ्ग्रह २०६५) एलियनको पृथ्वी भ्रमण(बालकथा सङ्ग्रह–२०७२) प्रकाशित छन् भने १६ वर्षदेखि कर्मको रुपमा सञ्चार क्षेत्रमा कार्यरत रसिक हाल सगरमाथा टेलिभिजनको समाचार शाखामा कार्यरत छन् ।