काठमाडोैं । अर्जेन्टिनाका  कलाकार फकुन्दो अराना सहितको सगरमाथा आरोहीको टोलीले नेपाल भूकम्पपछि पनि पहिला जस्तै सुरक्षित रहेको आफूले अनुभुति लिएको जनाएका छन् । राजधानीमा पत्रकारहरुसँग भएको अन्तर्क्रियामा अर्जेन्टिनाका प्रख्यात अभिनेता तथा संगीतकर्मी फकुन्दो सहितको अर्जेन्टिना, मलेसिया र क्यानडाका ९ जना आरोहीले नेपाल भुकम्पपछि पनि भुकम्पअघिको जस्तै सुरक्षित रहेको अनुभव गरेको बताए ।

११ पटकसम्म सगरमाथाको सफल आरोहण गरेका नेपाली आरोहण गाईड टेण्डी शेर्पाको नेतृत्वमा ९ जना विदेशी आरोही र ९ जना नेपाली सहयोगी शेर्पाको टोलीले गत २३ मे मा सगरमाथाको सफल आरोहण गरेको थियो । 

आरोहणको ब्यवस्थापन गरेको नेपाली कम्पनी ट्याग नेपाल ट्रेक्स एण्ड एक्सपिडिसन प्राली का प्रबन्ध निर्देशक गोविन्द गुरुङ्गले प्रख्यात अर्जेन्टिनाका कलाकार फुकन्दोले सगरमाथाको सफल आारेहण गर्नु नै नेपालका बारेमा विश्वभर सकारात्मक सन्देश जाने बताए। फुकुन्दो अर्जेन्टिना र त्यस वरपरका देशमा निकै लोकप्रिय कलाकार हुन् । आरोहण दल केही दिनमा नै आ-आफनो देश फर्कदैछ ।

तीन देशका यी आरोहीहरुले यो सन्देश आ-आफनो देश सहित विश्व सामु पुर्याउन भुमिका खेल्ने प्रतिबद्दता जनाएका छन् ।