कल्पना दंगाल / काठमाडौँ,१७ असार l जोसेफ हायर सेकेण्डरी स्कुलले फलामे ढोका मानिएको एसएलसी परिक्षामा उत्कृष्ट अंक प्राप्त गर्ने विद्यार्थि भाइबहिनीहरु तथा अभिभावकज्यूहरुलाई सम्मान  तथा नगद पुरस्कार वितरण सोमबार  एक भव्य सांस्कृतिक कार्यक्रमको बिच सम्पन्न गरेको  छ ।  कपन मिलनचोकमा  बिगत लामो समय देखि जोसेफ स्कुल सञ्चालनमा आएको छ ।   कार्यक्रमको उद्घाटन कार्यक्रमका प्रमुख अतिथि माननीय सभासद गगन थापाले गर्नु भएको थियो  l कार्यक्रममा  शिक्षा विभागका सुन्दर कुमार शाक्य ,डिआइजी सुरेन्द्र बहादुर शाह  , जिल्ला शिक्षा अधिकारी शंकर गौतम  र  अन्य वरिष्ठ व्यक्तित्वहरुको साथै  शिक्षक, शिक्षिका, अभिभावक, विद्यार्थी, लगायतको उपस्थिति रहेको थियो ।स्कुलका सस्थापक अध्यक्ष / प्रिन्सिपल सुर्य बहादुर अधिकारीको सभापतित्वमामा सम्पन्न गरिएको थियो l