कोलोराडो, अमेरिका जुन ।  मिस नेपाल २०१३ इशानी श्रेष्ठद्धारा संचालित स्माइल प्रोजेक्टका लागि पत्रकार शैलेश पोखरेलले ४ सय १ अमेरिकी डलर सहयोग गरेका छन् । अमेरिकाको कोलोराडो राज्यमा संन्चालित बीआरटी नेपाल डटकमका प्रधान सम्पादक तथा नेपाल अमेरिका पत्रकार संघ नेजाका केन्द्रिय सदस्य पोखरेलले हिजो यहाँ आयोजित एक कार्यक्रमका माझ सो रकमको चेक मिस नेपाल श्रेष्ठलाई हस्तान्तरण गरेका थिए । मिस नेपाल श्रेष्ठले पत्रकार पोखरेललाई धन्यवाद दिदै उक्त सहयोगले पोजेक्ट अगाडी बढाउन ठुलो मद्दत पुग्ने वताएकी थिइन् । मिस नेपाल २०१३ मा सहभागि हुदा नेपालको दुर्गम गाउ जुम्लाका सर्वसाधारणलाई डेन्टल सेवा प्रदान गर्ने उद्देश्यले चलाएको उनले सो प्रोजेक्ट शुरु गरेकी थिईन् । उनको सोही प्रोजेक्टका कारण उनले मिस वल्र्डमा राम्रो स्थान प्राप्त गरेकी थिइन् ।