युवकभन्दा युवती फेसनमा चुजी हुन्छन् । त्यसैले त युवतीका फेसन आइटम हप्ता–हप्तामा बदलिन्छन् । टिनेजरदेखि ३५ वर्षसम्मका युवती फेसनमा बढी नै सोख राख्छन् । गर्मीको यो मौसममा युवतीका छनोटमा पर्छन्– छोटा, हल्का, खुकुला र पातला कपडा । तर, यस्ता कपडा रहर गर्ने युवतीले तलदेखि माथिसम्मको ड्रेसअप म्याच गर्न जरुरी हुन्छ भने कपडा छान्दा रङमा पनि विशेष ध्यान दिनुपर्छ । फेसनडिजाइनर जोस्ना देवानले युवतीहरूलाई गर्मीमा ब्युटिफुल देखिने केही ड्रेसअप टिप्स दिएकी छिन् :
उज्याला रङका कपडा छान्नुहोस् । सेतो, गुलाबी, निलो, सुन्तलाजस्ता रङ रोज्नु राम्रो हुन्छ । बुट्टेदार कपडा पनि गर्मीमा राम्रो हुन्छ, तर उज्याला रङमा फुलबुट्टा प्रिन्ट गरिएका रोज्नुहोस् ।
बुनेका विभिन्न खाले कपडा पनि बजारमा पाइन्छन् । कटन, सिल्क र रेबनको रोज्नु उत्तम हुन्छ । हल्का हुने भएकाले यस्ता कपडाले शरीरमा सहज महसुस गराउँछ ।
जाली (नेट) र बुट्टेदार जाली ९नेटभन्दा थोरै बाक्लो०, सिफोन, जर्जेट ९सिफोनभन्दा हल्का कडा० खालका कपडा पनि अहिले फेसनमा छन् ।
गर्मीमा सजिलो र धेरै युवतीले रुचाउने जिन्स पाइन्ट हो । बजारमा विभिन्न किसिमका जिन्स पाइन्ट आएका छन् । ब्वायफ्रेन्ड जिन्स ९कमरको माथिसम्म पुग्ने, ग्रन्च भएको, केही खुकुलो र छोटो०, स्किनी जिन्स, डेनिम जिन्स, सर्टस् ९हाफ पाइन्ट० रोज्न सक्नुहुन्छ । गर्मीका लागि स्कर्ट पनि राम्रो ड्रेसअप हो । स्कर्टमा म्याच गराउन कलरफुल सर्ट नै रोज्नुहोला ।
गाउन पनि गर्मीको उत्तम ड्रेसअप हो । गाउन रोज्दा ट्यांक्स सबैभन्दा राम्रो हुन्छ । स्लिभलेस ९बाहुला नभएको०, अफ सोल्जर्स ड्रेस ९कुमको भाग नभएको० फेसनमा छन् ।
वान पिस पनि गर्मीका लागि हल्का ड्रेसअप हो । यसले शीतलता पनि दिन्छ । वान पिसमा केही फेसनेबल र एक्स्ट्रा देखिन चाहनुहुन्छ भने टेलहेम डिजाइनको वान पिस ९अगाडि छोटो, पछाडि लामो पुच्छरजस्तो निस्किएको० लगाउनुहोस् ।
क्याप स्लिभ, पफ स्लिभ, हाफ स्लिभ ड्रेस पनि गर्मीका लागि फरक फेसनेबल ड्रेस हुन् । ड्रेसअपमा क्यापको कम्बिनेसनले एक्स्ट्रा लुक्स दिने भएकाले ह्याट पनि गर्मीको एक फेसनेबल आइटम हो । फ्रिन्ग्स र प्लिट्सयुक्त ड्रेसअप पनि रोज्न सक्नुहुन्छ । स्पोर्टी लुक्स दिने ड्रेसअप टिनेजरलाई बढी म्याच गर्छ ।
अफ सोल्जरर्स टप्स अहिले फेसनमा चलेको टप्स हो । ड्रेसअपमा म्याच गर्न डेकोरेटिभ ब्याग, वर्ड प्रिन्ट ९अक्षर प्रिन्ट गरिएको० बकेट ब्याग छान्न सक्नुहुन्छ । सिल्क स्कार्फ र चोकर्स लगाउँदा तपाईं थप आकर्षक देखिनुहुन्छ ।
ड्रेसअपअनुसार जुत्ता–स्यान्डल म्याच गराउनु आवश्यक हुन्छ । ओपन हिल्स, लोफर्स र हल्का स्यान्डलहरू लगाउँदा राम्रो हुन्छ ।