राष्ट्रिय खबर
काठमाडौँ, ३१ वैशाख । बेलायतमा ट्याक्सी व्यवसाय चलाइरहेका एक नेपाली मेयर बन्न सफल भएका छन् । स्वान्ली टाउन काउन्सिल, केन्टका लागि बुधबार मेयर निर्वाचित शंकर गैरे बेलायतकै इतिहासमा मेयर बन्ने नेपालीमूलका पहिलो बेलायती हुन् ।
गत वर्ष सन् २०१५ मा सत्तारुढ कन्जरभेटिभ पार्टीबाट क्राइस्ट चर्च वार्डको काउन्सिलर बनेका गैरे त्यसै साल उपमेयर र यो वर्ष मेयर बन्न सफल भए ।
स्वान्लीको इतिहासमै कम उमेरमा मेयर बनेका काउन्सिलर जोन बार्नेसले गैरेलाई आफ्नो जिम्मेवारी हस्तान्तरण गरेका थिए । गैरेले पदभार ग्रहण गर्नेबित्तिकै च्याम्बरमा पहिलो बैठक संचालन गरे । आजको कान्तिपुर दैनिकमा खबर छ ।
प्रतिक्रिया