काठमाडौं । पर्यटन पत्रकार संघ (जाट–नेपाल)का संस्थापक सदस्य तथा टुरिजम टाइम्स पाक्षिकका प्रकाशक तथा प्रधान सम्पादक विक्रम पौडेल माथि सांघातिक आक्रमण गरिएको छ ।
बुधबार राति नयाँबजार निवासबाट ठमेल तर्फ जाँदै गरेको अवस्थामा अज्ञात व्यक्तिको समूहले उनी माथि आक्रमण गरेका हुन् । आक्रमणमा परि पत्रकार पौडेलको हातमा सामान्य चोट लागेको छ भने उनी सवार बा ९ च ४३०४ नम्बरको निजी गाडीको अगाडि भागको सिसामा क्षति पुगेको छ । आक्रमण भए लगत्तै महानगरीय प्रहरी प्रभाग लैनचौर पुगेका उनले प्रभागमा उजुरी समेत गरेका छन् । तर हालसम्म आक्रमणकारीका सम्बन्धमा कुनै जानकारी प्राप्त भएको छ ।
पर्यटन पत्रकार माथि भएको सांघातिक आक्रमणको पर्यटन पत्रकार संघ (जाट–नेपाल)ले घोर भत्र्सना गरेको छ । संघको सचिव हरिशरण न्यौपानेद्वारा जारि गरिएको प्रेस विज्ञप्तिमा आक्राणकारीको तत्काल खोजी गरि कानूनी कठघरामा उभ्याउन माग गरिएको छ । साथै, आवश्यक क्षतिपूर्तिका लागि समेत जोडदार माग गरिएको छ । पौडेल भोली विदेश भ्रमणमा जाँदै छन् ।