राष्ट्रिय खबर
नेपाल पत्रकार महासंघको केन्द्रीय साधारण सभाका लागि अमेरिकामा रहेका पत्रकार रोशन अधिकारीले आर्थिक सहयोग गरेका छन् । हाल नेपाल अमेरिका पत्रकार संघमा आवद्ध अधिकारीले केन्द्रीय साधारण सभालाई २५ हजार रुपियाँ सहयोग गरेको महासंघले जनाएको छ । महासंघको कार्यालयमा बुधबार आयोजित कार्यक्रममा अधिकारीकी श्रीमती मीरा अधिकारीले शाखा अध्यक्ष हरिप्रसाद पोखरेललाई सो सहयोग हस्तान्तरण गरेकी थिईन् ।
केन्द्रीय साधारण सभा सम्पन्न गर्न आवश्यक आर्थिक संकलनको काम भईरहेको उपाध्यक्ष एवम् आर्थिक संकलन समितिका संयोजक दिपेन्द्र बडुवालले कार्यक्रममा जानकारी दिए ।
महासंघमा साधारण सभाका लागि संकलित रकम बैंकमार्फत कारोबार गरिने र कारोबार सकिएपछि आम्दानी खर्च सबै पारदर्शी गरी खाता बन्द गरिने महासंघलले जनाएको छ ।
प्रतिक्रिया