नेपाली चलचित्रक्षेत्रमा प्रत्येक बर्ष सयभन्दा बढि चलचित्र निर्माण हुन्छन् र प्रदर्शनमा आउँछन् पनि । कति चलचित्र सफल हुन्छन् भने कति चलचित्र गुमनाम भएरै अस्ताउँछन् । अझै रोचकको कुरा त के हुन्छ भने चलचित्रको निर्माण घोषणाको बेला चलचित्रको छायाँकन विदेशका विभिन्न देशहरुमा हुने भनेर मिडियाहरुमा खबर दिइन्छ तर भने जस्तो सजिलो कहाँ छ र अन्तिममा नेपालका सस्तो ठाँउ खोज्दैं चलचित्रको छायाँकन गरिन्छ । यस्ता धेरै उदारहण छन्, जुन खोजे प्रशस्तै भेटिन्छ । यहि क्रममा क्यानडा र अमेरिकामा चलचित्र “हिम्मतवाला” नामक चलचित्रको छायाँकन हुँदैंछ, जसमा अभिनेत्री रेखा थापाले निर्माण र अभिनय गरेको “हिम्मतवाली” चलचित्रबाट नेपाली रजतपटमा भित्रिएका नायक सुदर्शन गौतम मुख्य भुमिकामा देखिदैंछन् । चलचित्रको छायाँकन क्यानडा र अमेरिकामा हुने बताइएपनि अहिले यहि विषयमा चलचित्र टिममा ठुलै घम्साघम्सी सुरु भएको छ । लगानी देखी चलचित्रका लागि प्राविधिकहरु भिषाका कारण क्यानडा र अमेरिका जाने अबस्था छैन तर चलचित्र यूनिटले भने ठुलै जोखिम उठाएर चलचित्रको छायाँकन क्यानडा र अमेरिकामा गर्न कस्सिएको छ । यहि भिषाको कारणले नै चलचित्रकी नायिका स्मृति पोखरेललाई क्यानडाले भिषा नदिएपछि चलचित्रको छायाँकन नै पर सरेको छ । क्यानडा र अमेरिकामा सम्पुर्ण छायाँकन हुने बताइएको चलचित्र हिम्मतवालामा मुख्य भुमिकामा अभिनय गर्न लागेकी स्मृति लगायतको टिमलाई क्यानडाले भिषा नदिएपछि चलचित्रको छायाँकन पर सर्ने लगभग पक्का देखिएको छ । यस्तो अबस्थामा पनि चलचित्र निर्माण गर्न कसिएको निर्माण टिम प्रति अहिले शंका नै उब्जिन थालेको छ । अहिले धेरैले चलचित्र हिम्मतवाला बन्छ वा बन्दैंन भन्नेमै शंका व्यक्त गर्न थालिसकेका छन् । अब चलचित्र हिम्मतवाला निर्माण हुन्छ वा हुन्न त्यो भने समयले बताउँला । तर अप्रिलको पहिलो हप्ताबाट छायांकन सुरु हुने बताइएको यो चलचित्रको छायाँकन अब जुनबाट सुरु हुने स्रोतको दाबी छ । नेपालबाट चलचित्रका एक सदस्यले दिएको जानकारी अनुसार अब चलचित्रको कथावस्तु, प्राविधिक, कलाकार देखी लोकेशनसम्म परिवर्तन हुनेछ । त्यस्तै हामीलाई प्राप्त गोप्य खबर अनुसार चलचित्रका लागि नायिका समेत परिवर्तन गरिएको छ । अब चलचित्रमा स्मृति पोखरेलको सट्टा अरु नै नयाँ कलाकार हुनेछ । खबरका अनुसार चलचित्रमा नायिका रेखा थापा नायिकाको रुपमा देखिन सक्छिन् । नायक सुदर्शन गौतम र रेखा थापाको सम्बन्ध यस अघि चलचित्र हिम्मतवालीबाटै सबैलाई थाहा छ । यतिसम्मकी उनीहरुको बिबाह हुनेसम्मको हल्ला चलेको थियो । अहिलेपनि उनीहरु निकै मिल्ने साथी भएका कारण रेखा चलचित्र हिम्मतवाला खेल्ने मनस्थितीमा छिन् तर पक्का भने भइसकेकी छैनन् । यस विषयमा बुझ्न चलचित्रका नायक सुदर्शन गौतमसँग सम्र्पक गर्दा उनी भने हालसम्म सम्र्पकमा आएका छैनन् । बताइए अनुसार उनी अहिले फ्रान्समा रहेका छन् । चलचित्रका एक सदस्यले दिएको आधिकारी जानकारी अनुसार चलचित्रका स्क्रिप्टका लागि शिवम अधिकारी फाइनल भइसकेका छन् । अहिले चलचित्रको स्क्रिप्ट लेखन कार्य धमाधम सुरु भइरहेको छ । चलचित्रमा नायक सुदर्शन गौतम भने यथावत रहनेछन् । प्राप्त खबर अनुसार चलचित्रमा सुदर्शन एक्शन हिरोको रुपमा देखिदैंछन् ।