काठमाडौ । धापासीस्थित ग्राण्डी अन्तराष्ट्रिय अस्पतालमा ‘दोश्रो युरोक सम्मेलन २०१६’ शुरु भएको छ । नेपाल एसोसियसन अफ युरोलोजिकल सर्जन्स (नाउस) को आयोजनामा हरेक दुई बर्षको अन्तरालमा हुने यो सम्मेलन विहीबार सुरु भएको हो ।

सम्मेलनको सूरुवातको ‘प्रि कन्फ्रेन्स बर्कशपमा’ युरोकोनका बैज्ञानिक प्रमुख समेत रहेका बरिष्ठ युरोसर्जन डा. प्रेमराज ज्ञवाली, भारतबाट आएका युरोसर्जन डा. कान्दर्भ पारिख , डा. प्रभाकर मुनीअप्पन र चीनबाट आएका युरोसर्जन प्रा. डा. चुन सियाओ लीउले शल्यकृया गरेका थिए । चीकित्सकहरुले पाँचवटा रेट्रोग्रेड इन्ट्रारेनल सर्जरी र एउटा प्रोस्टेट सर्जरी गरी ६ वटा शल्यकृया गरेका थिए । ग्रान्डी अन्तराष्ट्रिय अस्पतालको ११ तल्लामा रहेको अपरेशन थियटरबाट सम्मेलन स्थल अस्पतालकै दोश्रो तल्लामा रहेको सभाकक्षमा प्रत्यक्ष प्रशारण मार्फत देखाईएको थियो ।
तिन दिने सम्मेलनको उद्घाटन तथा ‘प्रि कन्फ्रेन्स लाईभ अपरेटिभ वर्कशप’ विहीबार ग्राण्डी अन्तराष्ट्रिय अस्पतालमा गरियो भने बाकी दुईदिनको कार्यशालामा एक होटलमा गरिने छ । बाँकी दुईदिन शुक्रबार र शनिबार बैज्ञानिक कार्यपत्रहरुमाथिको छलफल हुने कार्यक्रम संयोजक ग्रण्डी अस्पतालका संचार संयोजक विनोद अधिकारीले जानकारी दिए ।
ग्राण्डी अस्पतालको युरोलोजी तथा मृगौला पत्यारोपण बिभागका प्रमुख समेत रहेका डा. ज्ञवालीले पिसावसंग सम्बन्धित कुनैपनि उपचारकालागि बिदेश जानुपर्ने बाध्यता नरहेको जानकारी गराए । सम्मेलनमा पत्रकारहरुसँग कुराकानीगर्दै उनले विश्वस्तरको उच्च प्रबिधिबाट हुने कुनैपनि उपचार अब नेपालमा नै सम्भव रहेको समेत दाबी गरे ।
सम्मेलनमा नेपाल, भारत, चीन, कुवेत, सिंगापुर र न्यूजिल्यान्डका १ सय ५० जनाभन्दा बढी चीकित्त्सकहरुको सहभागिता रहेको छ । देश बिदेशका नयाँ युरो सर्जनहरुलाई युरोलोजिकल सर्जरीको क्षेत्रमा हाँसिल भएका पछिल्ला उपलब्धि र नयाँ प्रबिधिबारे प्रशिक्षण दिने उद्देश्यले आयोजना गरिएको डा. प्रेमराज ज्ञवालीले जानकारी दिए ।