पोखरा । पोखराका अधिकांश पर्यटन व्यवसायीले श्रमिकमाथि शोषण गर्ने गरेको खुल्न आएको छ । श्रमिकका समस्या बुझ्दै पर्यटकीय नगरी पोखरामा पुगेको नेपाल ट्रेड युनियन महासंघ (जिफन्ट) अन्तर्गतको पर्यटन क्षेत्र युनियन परिषद्सामू त्यहाँका श्रमिकहरुले यस्तो खुलासा गरेका हुन् ।
परिषद्ले नेपालको पर्यटन क्षेत्रको दिगो विकासका लागि पर्यटन श्रमिकले निर्वाह गर्नुपर्ने भूमिका र उनीहरुको अधिकारका बारे पोखरामा गरेको अन्तक्रियामा सहभागी श्रमिकहरुले पोखराका होटल, रेष्टुरेन्ट, ट्रेकिङ साथै ट्राभलका अधिकांश प्रतिष्ठानमा श्रम ऐन लागु नभएको गुनासो गरे ।
त्यस्तै पर्यटन श्रमिकलाई न्यूनत्तम पारिश्रमिक नदिएको, मासिक जम्मा चार÷पाच हजार रुपैंयामा काम गर्न लगाएको, शेवा शुल्कबापत पाउनुपर्ने १० प्रतिशत रकम पनि नदिएको, नियुक्ति बिना काममा लगाएको गुनासो गरेका थिए । त्यस्तै टे«किङ क्षेत्रमा काम गर्ने गाइड लाइसेन्स नबिकरणमा झन्झटिलो प्राबधान खडा गरेको, प्यानको नाममा सरकारले दुःख दिने गरेको, भारी बोकेर अर्काको घरमा भाडामा बस्ने श्रमिकले आफैंले बहाल कर तिर्नुपरेको लगायत समस्याबारे ट्रेकिङ गाईडको गुनासो थियो ।
होटल रेस्टुरेन्टहरुले पनि सरकारले तोकेको न्युनतम तलब सेवा सुबिधा नदिएको, युनियन खोलेको बाहानामा जागिरबाट निस्कासन गर्ने लगायतका कार्य भइरहेको बताए ।
कार्यक्रममा जिफन्ट पर्यटन क्षेत्र युनियन परिषद संयोजक राम बुढाथोकी, जिफन्ट धौवलागीरी अध्यक्ष मीना गुरुङ, जिफन्ट राष्ट्रिय कमिटि सदस्य सुनिता थापा,नेस्वहोमयूका उपाध्यक्ष बंशी भट्टराई, युनिट्राभका महासचिव सुमनप्रसाद पराजुली लगायतले समग्र पर्यटन क्षेत्रको विकासका लागि सम्भावीत गन्तब्यको बजारीकरणमा मजदुरले आ आफ्नो क्षेत्रबाट सहयोग पु¥याउनुपर्ने धारणा राखेका थिए । कार्यक्रममा विभिन्न प्रतिष्ठानका १ सयभन्दा बढि श्रमिक अगुवाहरुको उपस्थिति रहेको थियो ।
भुवाईको अध्यक्षतामा नेस्वहोमयू कास्की
नेपाल स्वतन्त्र होटल क्यासिनो रेष्टुरेन्ट मजदुर युनियन ( नेस्वहोमयू) जिल्ला कमिटी कास्कीको ८ औ अधिबेशनले रामचन्द्र भुवाईको अध्यक्षतामा ८ सदस्यीय कार्यसमिति चयन गरेको छ । अधिबेसनले उपाध्यक्षमा गोपाल गीरी, सचिवमा रामप्रसाद दुवाडी, सह–सचिवमा शिवप्रसाद दवाडी र कोषाध्यक्षमा प्रभा पहाडी लाई चयन गरेको छ । त्यस्तै सदस्यहरुमा रामकुमार राई, अञ्जु थापा, राजन भण्डारीलाई चयन गरेको छ । मनोनित १ सदस्य गरि कार्यसमिति ९ सदस्यीय हुनेछ ।
राष्ट्रिय खबर
प्रतिक्रिया