काठमाडौँ ।  समग्र पर्यटन उद्योगलाई एउटै मैदानमा उभ्याई राष्ट्रिय तथा अन्तर्राष्ट्रिय स्तरमा नेपाल सुरक्षित भएको सन्देश प्रवाह गराउने तथा पर्यटन उद्योगलाई एकताको सुत्रमा बॉध्ने मुख्य उदेश्यले ‘पर्यटनमैत्री फुटबल प्रतियोगिता–२०७३’ हुने भएको छ । पर्यटन पत्रिका टुरिजम एक्सप्रेसद्धारा राजधानीमा सम्पन्न प्रारम्भिक छलफल समारोहबाट सो फुटबल प्रतियोगिता गराउने पत्रिकाले निष्कर्ष निकालेको हो । नयॉ वर्ष २०७३ को अवसरमा गरिने सो प्रतियोगितामा समग्र पर्यटन उद्योगमा रहेका धेरैभन्दा धेरै संघसस्थाहरुलाई सहभागि गराइनेछ । पर्यटन उद्योगका २० भन्दा बढी संघसस्थाहरुलाई एउटै मैदानमा सहभागि गराएर नकाउट सिस्टममा खेलाइने पत्रिकाले जनाएको छ । राजधानीमा खेलाइने सो खेल एक दिनको हुनेछ । विहान १० बजेबाट बेलुका ४ बजेसम्म खेलाइने सो खेल पर्यटन उद्योगमा अहिलेसम्मकै सवैभन्दा ठूलो हुने भएकाले सवै उत्साहित भएको पत्रिकाका अध्यक्ष अनिल नेपालीले जानकारी दिनुभयो । त्यस्तै, छलफल समारोहमा सहभागि पर्यटन मन्त्रालयका उप–सचिव टेकनारायण पौडेलले नेपाल सुरक्षित भएको सकारात्मक सूचना प्रवाह गराउन पत्रिकाले आयोजना गर्न लागेको प्रतियोगिता ज्यादै महत्वपूर्ण भएकाले सराहनिय रहेको बताउनुभयो । टुरिजम डेभ्लप्मेन्ट बैंकका सिइओ महेश ढकाल (शर्मा) ले पर्यटन उद्योगलाई नै एकताको सुत्रमा बॉध्ने प्रयास अत्यन्त साहसिक रहेकाले सवैले साथ र सहयोग गर्नुपर्ने बताउनुभयो । नेपाल पर्वतारोहण संघका अध्यक्ष आङ छिरिङ शेर्पाले खस्क‘दै गएको नेपालको पर्यटन अवस्थालाई उचाइमा पु¥याउन सवैभन्दा पहिला समग्र पर्यटन उद्योग एक हुनुपर्ने भएको भन्दै पत्रिकाको उदेश्य पनि त्यही अनुरुप भएकाले सवै सहभागि हुनुपर्ने बताउनुभयो । टानका महासचिव कर्ण लामाले पर्यटन प्रबद्र्धनमा सहयोग पुग्ने सृजनात्मक कार्यक्रमलाई टानले प्राथमिकतामा राख्ने बताउनुभयो । छलफल समारोहमा पर्यटनका करिब एक दर्जनभन्दा बढी संघसस्थाका प्रमुख÷प्रतिनिधिसहित पर्यटन व्यवसायी, पर्यटन मन्त्रालयका प्रतिनिधि, नेपाल पर्यटन बोर्डका प्रतिनिधि एवं सञ्चारकर्मीहरुको उल्लेख्य मात्रामा उपस्थिती थियो ।