काठमाडौं, १ चैत ।  गोपाल पौड्यालको अध्यक्षतामा पत्रकारहरुको संगठन ‘मिडिया नेपाल’ घोषणा गरिएको छ ।

काठमाडौंमा सोमबार आयोजित एक समारोहका बीच सो संगठन घोषणा गरिएको हो । विभिन्न सञ्चारमाध्यममा कार्यरत पत्रकारहरु सम्मिलित सो संगठनमा ६ जना उपाध्यक्ष, एक जना महासचिव, दुई जना सचिव, एक जना कोषाध्यक्ष सहित २१ जनाको कार्यसमितिको घोषणा गरिएको  छ ।

गोपाल पौडेलको अध्यक्षतामा गठित मिडिया नेपाल कुनै पार्टी निकट नभइ राष्ट्रवादी पत्रकारहरुको संस्थाको रुपमा रहेको जानकारी दिइयो। आफ्नो टिमको घोषणा गर्दै पौड्यालले पत्रकारहरुको हकहित र व्यवासायिकताका बारेमा काम गर्ने जानकारी दिए । स्टार एफएमका प्रवन्ध निर्देशक समेत रहेका पौड्यालले संगठनले आगामी दिनमा व्यवसायिक पत्रकारिता तालिम सञ्चालन गर्ने देखि पत्रकारहरुको पेशागत सुरक्षा, मर्यादा लगायतका विषयलाई प्राथमिकता दिएर काम गर्ने जानकारी दिए । साथै केही दिन पछि संगठनको पहिलो बैठक बस्ने र त्यसपछि हुने राष्ट्रिय भेलाले थप कार्यक्रम घोषणा गर्ने पौड्यालले बताए ।  फोटो : मोहन श्रेष्ठको फेसबुकबाट