स्वस्थ रहनका लागि सन्तुलित खाना खानु अनिवार्य हुन्छ । तर सबै खानाको शक्ति र प्रभाव एउटै हुँदैन । खाना अनुसार त्यसको शक्ति पनि शरीरमा सञ्चार हुन्छ ।

शरीरलाई अत्याधिक शक्ति दिने खानालाई सुपरफुड पनि भन्ने गरिन्छ । जसले तपाइँलाई विजुलीमा ब्याट्री चार्ज भए जस्तै शरीरलाई उर्जाले चार्ज गरिदिन्छ ।

यहाँ त्यस्तै शरीर सुपरचार्ज गर्ने ४ खानाको चर्चा गरिएको छ ।

१. ताजा तरकारी

ब्रोकाउली, फुल काउली र बन्दा जस्ता ताजा तरकारीको सेवनले तपाइँको शरीरमा अनौठो उर्जा दिन्छ । यसले तपाइँको उर्जा मात्र होइन तपाइँको शरीरमा रोगसँग लड्ने क्षमतको नाटकीय वृद्धी गर्न सक्छ । यी खानाले तपाइँको उर्जा र खुसीको स्तर समेत वृद्धी गर्छ । यी खनाले तपाइँको विभिन्न रोगबाट बचाउने काम समेत गर्ने विज्ञहरु बताउँछन् ।

कागतीले तपाइँको शरीरमा भएको विषाक्त चिजहरुलाई बाहिर निकाल्न मा होइन पेटलाई स्वस्थ राख्न पनि ठूलो भूमिका खेल्छ । यसले तपाइँको रोगसँग लड्ने क्षमता वृद्धी मात्र गर्छ । दिनमा एक गिलास तातो पानीमा कागती हालेर पिउने बानी गर्नुस् यसले दिने फ्रेशनेश आफै अनुभव गर्नु हुन्छ । खाना खाइसकेपछि पचाउन र पाचन प्रणालीलाई चुस्त राख्न पनि कागतीले सहयोग गर्छ ।

३. पुदिना
पुदिना सबैभन्दा बढी उर्जा दिने खानेकुरा मध्ये पर्छ । यसले तपाइँको चटनी वा सलादको काम गर्ने मात्र होइन यसले तपाइँको खानामा आयोडिन थप्छ । शरीरमा हुने थाइराइड, स्तन र ओभरीमा हुने संक्रमणलाई पनि यसले रोक्छ ।

४. बदाम तथा वीज
बदाम वा विज तथा काजु किसमिस जस्ता विजजन्य फल पनि मानव स्वास्थ्यका लागि असाध्यै उपयोगी खाना मानिन्छन् । त्यस्तै गरी फर्सी वा सूर्यमुखीको विज पनि शरीरमा सुपरचार्ज गर्ने खानामा पर्छन् । यी बीज फलमा हुने क्याल्सियम, पोटासियम लगायतका तत्वले तपाइँको त्वचा, कपाल वा नङको स्वास्थ्यमा सकारात्मक भूमिका खेल्छन् । यी खाना शरीरमा रोग प्रतिरोधात्मक क्षमता वृद्धी गर्ने खानामा पनि पर्छन् ।