काठमाडौँ ।  सिडब्लु पार्टी हलमा फागुन १८ गते हुन गइरहेको राष्ट्रिय पर्यटन पत्रकार संघ (नाटोज) को साधारणसभा सँगै हुन गइरहेको निर्वाचन सहमतीकै नेतृत्वमा लैजानको लागी घनिभुत छलफल भैरहेको छ । नाटोजका अध्यक्ष शिब अधिकारीले तत्कालिन ५ बिकाश क्षेत्रलाई मध्यनजर गर्दै त्यहाँको पर्यटनको पहुँचलाई केन्द्रिकृत गर्न क्षेत्रिय अधिकार सम्पन्न ५ उपाध्यक्ष पदहरु थपिन लागेको बताउनुभएको छ । उहाँले ७ प्रदेश ब्यवहारीक रुपमा कार्यन्वयन पश्चात थप २ उपाध्यक्ष थपिने पनि बताउनुभयो । यसका साथै नाटोजका अन्य पदाधिकारी केही पदहरु पनि थपिने उहाँको भनाइ छ । बर्तमान पर्यटनको बिषम परिस्थितीलाई दृष्टीगत गरी आगामी नाटोजको नयाँ कार्यसमिती ससक्त रुपमा सहमतीय रुपमै आउने बताउनुभयो । एक अर्को प्रशंगमा अध्यक्ष अधिकारीले नाटोजको अधिवेशन पर्यटन क्षेत्रमा सन्देशमुलक र ऐतिहासिक हुने पनि बताउनुभयो ।