राष्ट्रिय खबर
यस वर्षको टान ल्होछारमा प्रमुख अतिथिको रुपमा उपराष्ट्रपति नन्दबहादुर पुन रहेका थिए भने कार्यक्रमको आकर्षणको रुपमा गायक रामकृष्ण ढकाल, रन्जिता गुरुङ र शंकर विसिको बेजोड प्रस्तुति, रश्मी तामाङको नृत्य, हिमाल घले, मौसम गुरुङलगायतका कलाकारहरुको प्रस्तुति रहेको थियो । साथै, कार्यक्रममा विभिन्न साँस्कृतिक प्रस्तुतिहरु देखाइएको थियो ।
गुरुङ भन्छन् – ‘यस वर्षको टार्गेट नै नाफामा जाने गरि कार्यक्रम गर्ने र भव्य पनि बनाउने हो । हामी दुबैमा सफल भयौं ।’ उनले उपराष्ट्रपति लेवलको व्यक्ति ल्याएर टानले कहिलै कार्यक्रम नगरेको र फाइभस्टार मै टान ल्होछार मनाएर पनि रकम बचाउन सक्दो रहेछ भन्ने उदाहरण पनि यस वर्षको कार्यक्रम रहेको बताए । विगतको तुलनामा यस वर्ष उपस्थिति पनि बढी रहेको उनको भनाइ छ । कार्यक्रम नाफामा लैजान कार्यक्रम सञ्चालनका लागि बनेको उपसमिति र टान कार्यसमितिले धेरै मेहनत गर्नु परेको उनले बताए ।
प्रतिक्रिया