सम्राट सिंह

बझाङ ९ फागुन । अफिमको साग खाँदा बाँझ गाविस १ सुदाडामा दुई दिदि बहिनीको मृत्यु भएको छ ।  शनिबार राती बैतडी जिल्लाको चुवागड गाविस घर भएका बर्ष ११ कि आरती चन्द र बर्ष ८ की अनिता चन्दको मृत्यु भएको हो ।

विद्यालय पढ्न बिगत दुई बर्ष अघि देखि नै दुवै दिदिबहिनी मामा घर सुदाडा बस्दै आएका थिए  । आरती शिक्षादय उमावि बागथलामा कक्षा ६ मा अध्ययरत छात्रा हुन भने अनिता घण्टेश्वर प्रावी मा कक्षा २ मा अध्ययनरत छात्रा हुन । सँगै साग खाएर सुतेकी धना देवि मल्ल पनि बेहोस अवस्थामा रहेको परिवार स्रोतले जनाएको छ

राती अफिमको साग खाएर परिवार सँग सुतेकी बालिका बिहान मृत अवस्थामा फेला परेको जानकारी प्राप्त भएको प्रहरी नायव उपरिक्षक लक्ष्मीराज अधिकारीले बताए । उनले भने घटनाको थप अनुसन्धानका लागि प्रहरी टोली घटनास्थल गएको छ ।