काठमाडौँ ।  नेपालको पर्यटन पत्रकारिताका अग्रज बरिष्ठ पत्रकार हरिराज जोशीको  असामयिक निधनप्रति नेपाल अमेरिका पर्यटन पत्रकार संघले दुख ब्यक्त गरेको  छ । जोशीले नेपालको पर्यटन पत्रकारिता क्षेत्रमा देखाएको मार्गदर्शन र पुर्याएको योगदान अतुलनिय रहेको छ । इमेज नेपाल तथा पर्यटन समाचार डाइजेस्टका सम्पादकको तथा प्रकाशकको रुपमा रहनुभएको ६३ बर्षिय जोशीले निधनले नेपालको पर्यटन पत्रकारिता क्षेत्रले एउटा अभिभावक गुमाएको छ ।

नेपाल पर्यटन पत्रकार संघका संस्थापक अध्यक्ष समेत रहनुभएका अध्यक्ष जोशीको निधनप्रति नेपाल अमेरिका पर्यटन पत्रकार संघका अध्यक्ष सन्जोग आचार्यले  गहिरो शोक ब्यक्त गरेको बताएका छन्  । पर्यटन पत्रकारिताको माध्यमबाट नेपालाई विश्वमा चिनाउन महत्वपूर्ण योगदान पुर्याउनुहुने निष्ठावान अग्रज पत्रकार स्व. जोशीको आत्माको चिरशान्तिको कामना गर्दै शोकसन्तप्त परिवारमा घैर्य धारणा गर्ने सक्ति मिलोस् भन्दै आचार्यले हार्दिक समवेदना ब्यक्त गरेको छन   ।