भारत भारतको सिलोंगमा जारी १२औं दक्षिण एसियाली खेलकुद (साग)अन्तर्गत् सोमबार नेपालले पहिलो स्वर्ण पदक जितेको छ ।
नेपालका लागि उसुबाट १६ वर्षीया निमा घर्तिमगरले नान छावन अलराउन्डमा नेपाललाई पहिलो स्वर्ण पदक दिलाएकी हुन् । प्रतियोगिता सुरु भएको चौथो दिनमा नेपालले स्वर्ण पदक जितेको हो ।
आइतबार भएको पहिलो चरणमा उनले ८.४५ र सोमबार भएको दोस्रो चरणमा ८.४६ गरी कुल १६.९१ अंकसहित स्वर्ण जितेकी हुन् ।
काठमाडौंको डन बोस्को बोर्डिङमा कक्षा १० मा अध्ययनरत उनले पहिलो अन्तर्राष्ट्रिय सहभागितामै देशलाई स्वर्ण पददक दिलाउन सफल भएकी हुन्।
यस्तै, उसुको नानकुनतर्फ पनि सोमबार नेपालले एक रजत पदक प्राप्त गरेको छ ।
राष्ट्रिय खबर
प्रतिक्रिया