राष्ट्रिय खबर
पोखरा । नेपाल एसोसिएशन अफ् टूर एण्ड ट्राभल एजेन्टस् (नाट्टा) पश्चिमाञ्चलको अधिबेशन नजिकिदै गर्दा आगामी नेतृत्वका लागि बर्तमान समितीका प्रथम उपाध्यक्ष एवम् सफल युवा पर्यटन व्यवसायी दिल गौतम अध्यक्ष पदमा सर्बसम्मत हुने पक्का भएका छन् । सन् १९९५ बाट पर्यटन क्षेत्रमा प्रवेश गरेका गौतम छोटो समयमा सफलता पाउने र धेरैको मन जित्ने व्यवसायी हुन् । उनी उर्जाशील, मेहनती र कर्मठ व्यक्तिको रुपमा चिनिन्छन् । पोख्रेली पर्यटन क्षेत्रमा भिजन दिन सक्ने सिमित व्यक्ति भित्रका एक हुन् । उनले यस अघि थुप्रै संस्थामा विभिन्न पदमा रही महत्वपूर्ण भूमिका निर्वाह गरिसकेका छन् । उनले आफू नाट्टाको अध्यक्ष निर्वाचित भए संस्थालाई सही भिजन दिई उचाई थप्ने, अन्तर्राष्ट्रिय प्रबद्र्धनमा जोड दिने, विभिन्न सरकारी तथा सरोकारवाला निकायसँगको सम्बन्ध सुमधुर बनाई काम गर्ने र पोखरामा अन्तरार्षिट्रय विमानस्थल निर्माणमा जोड दिने बताउँछन् । उनी बुद्ध टूर एण्ड ट्राभलका प्रबन्ध निर्देशक समेत हुन् ।
प्रतिक्रिया