काठमाडौँ।  नेपाल प्रहरीका २२ जना डिआइजीको सरुवा भएको छ। गृहमन्त्रीस्तरको निर्णयबाट २२ जना डिआइजीको सरुवा भएको प्रहरी प्रधान कार्यालय नक्सालले जनाएको छ।

सिआइबीका डिआइजी हेमन्तमल्ल ठकुरीको अख्तियार दुरुपयोग अनुसन्धान आयोगमा सरुवा भएको छ। सिआइबीमा नवराज सिलवाल, प्रकाश अर्याल ट्राफिक महाशाखामा, जयबहादुर चन्दको लागू औषध व्युरोमा सरुवा भएको छ। त्रिभुवन विमानस्थलमा भने गोबिन्द निरौलाको सरुवा भएको छ। प्रहरी प्रवक्ता कमलसिंह बमलाई क्षेत्रिय प्रहरी कार्यालय पोखरामा सरुवा गरिएको छ।

क्षेत्रिय कार्यालय विराटनगरबाट आएका माधवप्रसाद जोशी भने वमको स्थान आइजीपीको सचिवालयमा सरुवा भएका छन् । अब उनी नै प्रहरी प्रवक्ता हुनेछन्।